ຄວາມເປັນມາ
ຂອງຮ້ານ
ຄວາມຫຼົງໄຫຼໃນການຕົບແຕ່ງລົດ ໄດ້ເລີ່ມຕົ້ນຂື້ນຕັ້ງແຕ່ ປີ 2006 ແລະ ຈາກມື້ນັ້ນ, ຈົນຮອດມື້້ນີ້ 18 ປີ ທີ່ໄດ້ສະສົມປະສົບການ, ຮ້ານ BTS Automotive Detailing ເຊີ່ງ ເຈົ້າຂອງ ແລະ ຜູ້ກໍ່ຕັ້ງ ແມ່ນ ທ່ານ.ບຸນເຖີງ ສີໃສແກ້ວ, ໄດ້ຖືກການຍອມຮັບວ່າເປັນໜື່ງໃນຜູ້ຊຳນານການຟື້ນຟູ ແລະ ສ້ອມແປງສະພາບຂອງໜັງພາຍໃນຍານພາຫະນະ ໃນ ສ.ປ.ປ.ລາວ. ເຮົາໃຫ້ການບໍລິການຕັ້ງແຕ່ປີ 2018 ແລະ ໄດ້ລີເລີ່ມບໍລິການໃຫມ່, ພັດທະນາການບໍລິການ ແລະ ນຳເຂົ້ານ້ຳຢາທີ່ຮັບປະກັນ ຄຸນນະພາບ ແລະ ຍອມຮັບຈາກ EU, ຈີ່ງໄດ້ ປ່ຽນຊື່ເປັນຮ້ານ BTS Automotive Detailing ໃນປີ 2023 , ເຊີ່ງ ບໍລິຫານ ແລະ ຈັດການໂດຍ ທ່ານ ບຸນເຖີງ ສີໃສແກ້ວ ແລະ ຮ່ວມກໍ່ຕັ້ງໂດຍ ທ່ານ.ນ ຈິນຕະນາ ສຸວັນນະຈັກ.
BTS Automotive Detailing ໄດ້ສ້າງສັນ ຜົນງານ ທີ່ມີຄວາມໂດດເດັ່ນ, ຊັດເຈນໃນເລື່ອງຂອງການບໍລີການ ທີ່ມີຄວາມແຕກຕ່າງໃນແວດວົງ ຕົບແຕ່ງຍານພາຫະນະ ທີ່ປະສົມປະສານກັບການສືບທອດວິຊາການເລື່ອງການຫຍິບເບາະໜັງ ຂອງ ທຸລະກິດຄອບຄົວ (12ປີ) ແລະ ການເປັນຜູ້ນຳເຂົ້າແຟນຊາຍ ລະດັບສາກົນທີ່ນຳໃຊ້ນະວັດຕະກຳຂອງ USA ແລະ ITALY(6ປີ). ຜົນງານ ແລະ ປະສົບການທີ່ສະສົມມາເກືອບ18ປີ ເຮັດໃຫ້ມີຄວາມຊຳນານໃນວຽກຕົບແຕ່ງພາຍໃນລົດ ແບບລົງລະອຽດ, ຊຳນານໃນການສ້ອມແຊມເບາະໜັງ, ການນຳໃຊ້ນະວັດຕະກຳໃຫມ່ (ນ້ຳຢາໃຊ້ສະເພາະອຸດສາຫະກຳໜັງ) ແລະ ການປ່ຽນສະພາບພາຍໃນ/ພາຍນອກຂອງລົດ ແລະ ວິທີການແກ້ໄຂບັນຫາພາຍໃນເບາະຍົນ ຄືຖານວຽກງານຫຼັກ, ປະສົບການທີ່ໄດ້ສະສົມມາ ແລະ ເປັນຈຸດເລີ່ມຕົ້ນ ຂອງທຸລະກີດຂອງຄົນລາວ ເຮັດໃຫ້ເກີດມີຮ້ານ BTS Automotive Detailing ໃນ ສ.ປ.ປ.ລາວ.
ຮ້ານ BTS Automotive Detailing ມີແນວທາງໃນການໃຫ້ການບໍລິການ ແລະ ສະໜອງຜະລິດຕະພັນທີດີທີ່ສຸດ ຂອງການນຳໃຊ້ໜັງໃນ ຄົວເຮືອນ, ເຟີນີເຈີ້, ເບາະເຮືອ, ເຄື່ອງໃຊ້ສອຍຕ່າງໆທີ່ເປັນວັດສະດຸໜັງ, ເບາະນັ່ງໃນເຮືອບິນ ແລະ ອຸດສາຫະກຳລົດຍົນ. ເຮົາເຕີບໂຕຈາກທຸລະກິດຄອບຄົວທີ່ມີຄວາມຊຳນານໃນການຫຍິບເບາະໜັງ ແລະ ມີອຸດົມການທີຈະຂະຫຍາຍ ການບໍລິການທີ່ມີຄວາມຫຼາກຫຼາຍ, ຮ້ານ BTS Automotive Detailing ຈະເພີ່ມມາດຕະຖານ ແລະ ການສະໜອງການບໍລິການທີ່ດີທີ່ສຸດເພື່ອໃຫ້ທຽບເທົ່າລະດັບສາກົນໃນແວດວົງການຕົບແຕ່ງພາຍໃນ ແລະ ສ້ອມແຊມໜັງ ເພື່ອສ້າງຄວາມປະທັບໃຈໃຫ້ລູກຄ້າ ໃນ ສ.ປ.ປ.ລາວ.
Great things in business are never done by one person. They are done by a team of people.
– Bountheung SISAYKEO
We Are Professional at Automotive Detailing
See our skills, counters, and numbers
Our Milestone
ປະສົບການ ແລະ ຄວາມສຳເລັດທີ່ຜ່ານມາ
ຕົວແທນ ຮ້ານ ຄັນເລີ້ໂກຣ ລາວ ໄດ້ເປີດຢ່າງເປັນທາງການ ໃນວັນທີ 30/01/2018
ເປັນຮ້ານທີ່ຕິດຕັ້ງຟີມ Lamina ແລະ Glacia ຢ່າງເປັນທາງການ (ຟີມກອງແສງຈາກປະເທດໄທ)
ເປັນຮ້ານທີ່ຮັບເຄືອບເຊລາມີກ ລົດ ຂອງຫຍີ່ຫໍ່ Sonax (ນ້ຳຢາຈາກປະເທດເຢຍລະມັນ)
ເຮົາໄດ້ສຳເລັດ ການຕິດຕັ້ງ ແລະ ຮັບໃຊ້ ລົດໃນສປປລາວ ທີ່ຕິດຟີມ 300 ຄັນ, ຕິດຕັ້ງກັນໂຄງ AC Power 300 ຄັນ , ຟື້ນຟູ ແລະ ແກ້ໄຂເບາະພາຍໃນ 200 ຄັນ, ແກ້ໄຂເພດານ ຕິດຕັ້ງເພດານໃຫມ່ 80 ຄັນ, ຄັດເຄືອບເຊລາມິກ 200 ຄັນ ແລະ ລ້າງ ອານະໄມແບບ Premium Wash 200 ຄັນ
ເປັນຕົວແທນຜະລິດຕະພັນຫຍີ່ຫໍ່ Gyeon ໃນ ສປປລາວ
ເປັນຕົວແທນຜະລິດຕະພັນຫຍີ່ຫໍ່ Master Leather ຈາກ ປະເທດ ອີຕາລີ
ພວກເຮົາໄດ້ສຳເລັດການຟື້ນຟູ ແລະ ປ່ຽນສະພາບເບາະໜັງຍົນ ຈຳນວນ 72 ບ່ອນນັ່ງ ລຳ ATR ທຳອິດ ຂອງ ລັດວິສາຫະກິດ ການບິນລາວ
ປັດຈຸບັນ ເຮົາໄດ້ເປີດໂຕຮ້ານໃໝ່ຢ່າງເປັນທາງການຊື່ວ່າ: ຮ້ານ BTS ໂອໂຕໂມຕີບແອນດີເທວລິງ ຢ່າງເປັນທາງການໃນປີ 2024
ພວກເຮົາໄດ້ສຳເລັດການຟື້ນຟູ ແລະ ປ່ຽນສະພາບເບາະໜັງຍົນ ຈຳນວນ 72 ບ່ອນນັ່ງ ATR ລຳທີ່ 2 ຂອງ ລັດວິສາຫະກິດ ການບິນລາວ
ເປັນຕົວແທນຜະລິດຕະພັນຫຍີ່ຫໍ່ XPEL – PPF ແລະ ຟີມກອງແສງ (ຈາກ USA) ໃນ ສປປລາວ
ພວກເຮົາກຳລັງຈະໄດ້ເຮັດວຽກຮ່ວມກັບການບິນລາວ ອີກຄັ້ງກັບຍົນ Air bus 112 ບ່ອນນັ່ງ
BTS Automotive Detailing
ແກ້ໄຂ -ລາຍລະອຽດ//ການແກ້ໄຂ ສະພາບພາຍໃນອາຄານລົດ
ການແກ້ໄຂລາຍລະອຽດຂອງລົດແຕ່ລະຄັນນັ້ນເປັນຂັ້ນຕອນທີ່ສຳຄັນທີ່ສຸດ, ເພາະນັ້ນຈະບົງບອກເຖີງ ອາການຂອງສະພາບລົດທີ່ຈະເຂົ້າມາແກ້ໄຂກັບທາງຮ້ານເຮົາ. ທາງເຮົາໃສ່ໃຈຂັ້ນຕອນນີ້ເພື່ອ ຈະໄດ້ອະທິບາຍ ແຕ່ລະການຂັ້ນຕອນຂອງການແກ້ໄຂ ເພື່ອ ໃຫ້ມີສະພາບພາຍໃນທີ່ດີຂື້ນ, ສະອາດ ປາສະຈາກເຊື້ອໂລກ ແລະ ສະບາຍໃຈໃນທຸກໆການຂັບຂີ່.
ປ້ອງກັນ-ຕີດຟີມກັນຮອຍຂູດ//ການເຄືອບເຊລາມີກ
ການປ້ອງກັນ ແມ່ນຂັ້ນຕອນທີ່ສຳຄັນເຊັ່ນກັນ ບໍ່ວ່າລົດຂອງທ່ານຈະໃຫມ່ ແລະ ຢາກຄົງພາບຫຼັກໃຫ້ໃຫ່ມ. ສະນັ້ນ, ການຕິດ ຟີມກັນຮອຍ ຫຼື ຄັດເຄືອບເຊລາມິກ ແມ່ນຕອບໂຈດ ລູກຄ້າ ທີ່ຢາກໃຫ້ລົດຂອງທ່ານ ຄົງສະພາບໃຫມ່ ເໝືອນອອກຈາກສູນ ໂດຍນຳໃຊ້ສິນຄ້າທີດີທີ່ສຸດເພື່ອການປົກປ້ອງຮອຍ,ຮັກສາ ແລະ ຄົງສະພາບລົດ ໃຫ້ລູກຄ້າ.
ເສີມແຕ່ງພາບຫຼັກ-ຕິດຟີມກອງແສງ//ການຕິດຟີມ ປ່ຽນສີລົດ
ສີນຄ້າທີ່ເຮົານຳມາໃຊ້ໃນຮ້ານແມ່ນຖືກຄັດເລືອກຢ່າງດີ ເພື່ອການເສີມແຕ່ງພາບຫຼັກ, ບໍ່ພຽງແຕ່ຕອບໂຈດເລື່ອງຄວາມງາມ ແຕ່ມັນມີປະສິດທິພາບ ທີ່ມີການປ້ອງກັນທັງພາຍໃນ ແລະ ພາຍນອກເຊັ່ນ: ຟີມກອງແສງ ທີ່ກັນແສງ , ກັນ ແສງ UV ແລະ ຮັກສາຄວາມເຢັນພາຍໃນອາຄານລົດ, ການຕິດຟີມກັນຮອຍຂູດ ບໍ່ວ່າຈະຟີມໃສ ຫຼື ຟີມສີ ຕ່າງໆ ມີປະສິດທິພາບ ທີ່ຜະລິດອອກມາເພື່ອປ້ອງກັນຮອຍ, ສະເກັດຫີນ ແລະ ຮັກສາສີເດີມຈາກໂຮງງານ.